Search
Saturday 20 January 2018
  • :
  • :

சர்வைவா முடிச்சிட்டு செர்பியா போயாச்சு

அஜித் நடிப்பில் உருவாகிவரும் புதிய படம் ‘விவேகம்’. இப்படத்தில் காஜல் அகர்வால், அக்ஷராஹாசன் உள்ளிட்டோர் கதாநாயகிகளாக நடித்து வருகின்றனர். சிறுத்தை சிவா இயக்கி வரும் இப்படத்தில் பாலிவுட் நடிகர் விவேக் ஓபராய் வில்லன் வேடத்தில் நடித்திருக்கிறார்.

அனிருத் இசையில் ஹிப் ஹாப் பாடகர் யோகி-பி பாடிய ‘Surviva’ பாடல் சமீபத்தில் வெளியாகி ரசிகர்களிடையே பெரிய வரவேற்பைப் பெற்றுள்ளது. இப்படத்தின் படப்பிடிப்பு இன்னும் முடிவடையாத பட்சத்தில் இறுதிக்கட்ட படப்பிடிப்புக்காக ‘விவேகம்’ படக்குழு செர்பியா சென்றுள்ளதாக செய்திகள் வெளியாகியுள்ளது.

இப்படம் முழுக்க முழுக்க வெளிநாடுகளிலேயே படமாக்கப்பட்டுள்ளது என்பது குறிப்பிடத்தக்கது. ஏற்கெனவே, பல்கேரியா உள்ளிட்ட பல்வேறு ஐரோப்பா நாடுகளில் இப்படம் படமாக்கப்பட்டுள்ளது. தற்போது செர்பியாவில் அஜித், விவேக் ஓபராய் சம்பந்தப்பட்ட காட்சிகள் படமாக்கப்படவுள்ளதாகவும் கூறப்படுகிறது.

இப்படம் வருகிற அக்டோபர் மாதம் வெளியாகும் என எதிர்பார்க்கப்படுகிறது. அஜித் இப்படத்தில் இண்டர்போல் ஆபீசராக நடிப்பதாகவும் செய்திகள் வெளியாகியுள்ளது. இப்படத்தை சத்யஜோதி பிலிம்ஸ் நிறுவனம் மிகப்பிரம்மாண்டமாக தயாரித்துள்ளது.





Warning: Invalid argument supplied for foreach() in /home/cinemaparvai78/public_html/cinemapaarvai/wp-content/plugins/popliup/public/class-popliup-public.php on line 299