Search
Thursday 19 July 2018
  • :
  • :

300 துணை நடிகர்கள் நடுவில் விஜய் சேதுபதி – திரிஷா

ஜெயம் ரவி, ஹன்சிகா நடித்து அமோக வெற்றிபெற்ற ‘ரோமியோ ஜூலியட்’, விஷால் நடித்த ‘கத்திசண்டை’ போன்ற வெற்றிப்படங்களை தயாரித்த மெட்ராஸ் எண்டர்பிரைசஸ் எஸ் நந்தகோபால், தற்போது விஜய் சேதுபதி கதாநாயகனாக நடிக்கும் ‘96’ என்ற படத்தை தயாரிக்கிறார்.

இதில் விஜய் சேதுபதிக்கு ஜோடியாக திரிஷா நடிக்கிறார். மேலும் காளிவெங்கட் வினோதினி நடிக்கிறார்கள். பசங்க, சுந்தரபாண்டியன், நடுவுல கொஞ்சம் பக்கத்த காணோம் உட்பட பல படங்களுக்கு ஒளிப்பதிவு செய்த பிரேம்குமார், இந்த படத்தின் மூலம் இயக்குனராக அறிமுகமாகிறார்.

இந்த படத்தின் இரண்டாம் கட்டப் படப்பிடிப்பு பாண்டிச்சேரியில் நடைபெற்றுக் கொண்டிருக்கிறது..

இந்த படத்திற்காக பிரமாண்டமான அரங்குகள் அமைக்கப்பட்டுள்ளது. அந்த அரங்கில் விஜய்சேதுபதி, திரிஷா, காளி வெங்கட், ஆடுகளம் முருகதாஸ் ஆகியோர் பங்கு பெறும் காட்சிகள் படமாக்கப்பட்டுக் கொண்டிருக்கிறது. 300 துணை நடிகர் நடிகைகள் இந்த படப்பிடிப்பில் கலந்து கொள்கின்றனர்.

தனது ஒவ்வொரு படத்திலும் வித்தியாசமான தோற்றம், வித்தியாசமான கதாபாத்திரம் என கொடி கட்டி பறக்கும் விஜய் சேதுபதிக்கு 96 படமும் வித்தியாசமான படமாக இருக்கும்.