Search
Saturday 26 May 2018
  • :
  • :

மீண்டும் வருகிறாள் ”ஆல்தியா”!

இயக்குனர் ராம் இயக்கத்தில் கடந்த ஆகஸ்டு மாதம் வெளியாகி பெரும் வரவேற்பைப் பெற்ற படம் “ தரமணி”. யுவன் ஷங்கர் ராஜா இசையில் அத்தனை பாடல்களும் ஹிட்டடிக்க, தமிழ் சினிமாவின் தரமான படம் என்று தரமணியைப் பலரும் பாராட்டினார்கள்.

ஆண்ட்ரியாவின் (ஆல்தியா) கேரியர் பெஸ்ட் என்று சொல்லப் படுகிற தரமணி திரைப்படத்தை மீண்டும் திரைக்குக் கொண்டு வரத் திட்டமிட்டிருக்கிறார்கள் இப்போது.

ஆண் பெண் உறவுச் சிக்கல்களைக் குறித்தும், நகரமயமாக்கலால் தொலைந்து போன சென்னையின் உண்மையான அடையாளத்தையும் துணிச்சலுடன் பேசிய தரமணி திரைப்படம் மீண்டும் திரைக்கு வருவது நிச்சயமாய் ரசிகர்களுக்கு சந்தோஷமான செய்தி தான்.

ஜிஎஸ்டி, கேளிக்கை வரி பிரச்சனையில் புதிய திரைப்படங்கள் எதுவும் திரையிடப் படாமல் இருக்கும் வேளையில் மறுபடியும் நாளை (13.10.2017) வெளியிடப் படுவது குறிப்பிடத் தக்கது.