Search
Monday 18 December 2017
  • :
  • :

கார்த்திக்கு எதிராக செயல்படும் சூர்யா?

விக்னேஷ் சிவன் இயக்கத்தில் சூர்யா – கீர்த்தி சுரேஷ் முன்னணி கதாபாத்திரத்தில் நடித்து வரும் படம் `தானா சேர்ந்த கூட்டம்’. இப்படத்தின் இரண்டு பர்ஸ்ட் லுக் போஸ்டர்கள் சூர்யா பிறந்தநாளன்று வெளியாகி நல்ல வரவேற்பைப் பெற்றதுடன், சாதனையும் படைத்தது. அனிருத் இசையில் “நானா தான வீணா போன” என்ற வரிகளில் தொடங்கும் சிங்கிள் டிராக்கும் விரும்பி கேட்கப்பட்டு வருகிறது.

ஸ்டூடியோ கிரீன் மற்றும் சூர்யாவின் 2டி என்டர்டெயின்ட்மண்ட் இணைந்து தயாரிக்கும் இப்படத்தில் செந்தில், சரண்யா பொன்வண்ணன், நந்தா, ரம்யா கிருஷ்ணன், ஆர்.ஜே.பாலாஜி, தம்பி ராமைய்யா, சத்யன், கோவை சரளா, ஆனந்தராஜ் உள்ளிட்ட பலரும் நடிக்கின்றனர்.

மேலும் இப்படத்தில் நவரச நாயகன் கார்த்திக்கும் முக்கிய கதாபாத்திரத்தில் நடித்து வருகிறார். அதுவும் சூர்யா ரசிகர்களுக்கு ஒரு சிறப்பு விருந்தாகவே இருக்கும். இந்நிலையில், சமீபத்தில் படத்தின் இயக்குநர் விக்னேஷ் சிவன் அளித்த பேட்டி ஒன்றில், கார்த்திக் இப்படத்தில் வில்லன் கதாபாத்திரத்திலா நடிக்கிறார் என்று கேட்டதற்கு அவர் கூறியதாவது, அது அவரது கதாபாத்திரத்தைப் பொறுத்தது. கார்த்தியின் பார்வையில் சூர்யா வில்லனாக தெரியலாம் என்று கூறியிருக்கிறார்.

விக்னேஷ் சிவனின் பதிலில் இருந்து, கார்த்திக்கின் கதாபாத்திரம் என்ன என்று தெளிவாகத் தெரியவில்லை. அதிலும் ஒரு புதிர் வைத்தே கூறியிருக்கிறார். இதுகுறித்த முழு தகவலைப் படத்தை பார்த்து தான் தெரிந்து கொள்ள வேண்டும்.





Warning: Invalid argument supplied for foreach() in /home/cinemaparvai78/public_html/cinemapaarvai/wp-content/plugins/popliup/public/class-popliup-public.php on line 299