Search
Sunday 21 January 2018
  • :
  • :

யூ-டியூபில் மீசையை முறுக்கும் டிரெய்லர்

ஹிப்ஹாப் தமிழா ஆதி கதாநாயகனாக அறிமுகமாகும் படம் ‘மீசைய முறுக்கு’. இப்படத்திற்கு ஆதியே இசையமைத்து, கதை, திரைக்கதை, வசனம், பாடல்களை எழுதி இயக்குகிறார். இவருடன் விவேக், நாயகிகள் ஆத்மிகா, மனிஷா மற்றும் விக்னேஷ் காந்த், மா.கா.பா.ஆனந்த், மாளவிகா உள்பட பலர் நடித்திருக்கிறார்கள். இவர்களுடன் யூடியூப் ஸ்டார்ஸ் பலர் இப்படத்தின் மூலமாக அறிமுகமாகிறார்கள்.

அவ்னி மூவிஸ் சார்பில் சுந்தர்.சி வழங்கும் இப்படம் வருகிற 21-ஆம் தேதி திரைக்கு வர இருக்கிறது. சமீபத்தில் வெளியாகிய இப்படத்தின் டிரெய்லர் ரசிகர்களிடையே நல்ல வரவேற்பைப் பெற்றுள்ளது. யூடியூப் டிரெண்டிங்கில் முதலில் இருக்கிறது இப்படத்தின் டிரெய்லர், தற்போதைய காலகட்டத்திற்கு ஏற்ப இந்த படம் உருவாகியிருக்கும் என்பது படத்தின் டிரெய்லரைப் பார்க்கும் போது தெரிகிறது. இதுவரை படத்தின் டிரெய்லரை 1 மில்லியனுக்கும் அதிகமானோர் பார்த்துள்ளனர்.

தமிழ் மொழியின் மீது இசையமைப்பாளர் ஆதிக்கு அதீத ஈடுபாடு உண்டு என்பது நாம் அறிந்ததே. அதன் ஒரு பகுதியாகவே “டக்கரு டக்கரு” என்ற ஜல்லிக்கட்டுப் பாடலை இயக்கியிருந்தார். ரசிகர்களிடையே அந்த பாடல் நல்ல வரவேற்பைப் பெற்றது. அதனைத் தொடர்ந்து ஜல்லிக்கட்டு போராட்டத்திலும் இளைஞர்களுக்கு ஆதரவாக குரல் கொடுத்திருந்தார்.

இந்நிலையில் அவர் இயக்கியிருக்கும் படத்திற்கும் ‘மீசைய முறுக்கு’ என்று பெயர் வைத்திருக்கிறார். முறுக்கு மீசை இருந்தாலே ஒரு கம்பீரம் தான். அந்த வகையில், ரசிகர்களின் எதிர்பார்ப்பை ‘மீசைய முறுக்கு’ படம் பூர்த்தி செய்யும் என்று எதிர்பார்க்கப்படுகிறது.

படம் குறித்துப் பேசிய ஹிப்ஹாப் தமிழா ஆதி, “தற்போது ஹீரோ மற்றும் இயக்குனராக ‘மீசைய முறுக்கு’ திரைப்படத்தின் மூலம் அறிமுகமாகியுள்ளேன். இதற்கு காரணமாக இருந்த தயாரிப்பாளர் சுந்தர்.சிக்கு நன்றி. ஏற்கனவே பாடல் மிகப்பெரிய வெற்றி பெற்றுள்ளது. இந்த படம் மிகப்பெரிய அளவில் ஊக்கம் அளிக்கும் ஒன்றாக இருக்கும்.” என்றார்.





Warning: Invalid argument supplied for foreach() in /home/cinemaparvai78/public_html/cinemapaarvai/wp-content/plugins/popliup/public/class-popliup-public.php on line 299