Search
Saturday 19 January 2019
  • :
  • :

இயக்குநர் பா.இரஞ்சித்தை சந்தித்த ராகுல் காந்தி!!

சூப்பர் ஸ்டார் ரஜினிகாந்த் நடிப்பில் வெளியான “காலா” திரைப்படம் பெரிய வெற்றி பெற்றதையடுத்து, தனது அடுத்த படத்திற்கான முயற்சிகளில் இருக்கிறார் இயக்குநர் பா.இரஞ்சித். இந்தியில் அமீர் கானுடன் இணைய இருப்பதாகவும், இளைய தளபதி விஜயுடன் கைகோர்க்க இருப்பதாகவும் செய்திகள் உலவிக் கொண்டிருக்கும் நேரத்தில், இயக்குநர் பா.இரஞ்சித் காங்கிரஸ் தலைவர் ராகுல் காந்தியுடன் சந்திப்பை நடத்தி இருக்கிறார்.

இந்த திடீர் சந்திப்பை குறித்து பா.இரஞ்சித் இதுவரை எதுவும் பேசாத நிலையில், ராகுல் காந்தி ரஞ்சித்துடன் இருக்கிற புகைப்படத்தை டுவிட்டரில் வெளியிட்டு கருத்து தெரிவித்துள்ளார். அந்த டுவிட்டில்,

“மெட்ராஸ், கபாலி, காலா போன்ற பிளாக்பஸ்டர் படங்களை இயக்கிய இயக்குநர் பா.இரஞ்சித்த நேற்று டெல்லியில் சந்தித்தேன். அவருடன் நடிகர் கலையரசனையும் சந்தித்தேன். சமூகம், அரசியல் மற்றும் சினிமா குறித்து பேசினோம். அவர்களுடன் உரையாடியது மகிழ்ச்சியளிக்கிறது” என்று பதிவு செய்துள்ளார்.

பா.இரஞ்சித்துடன் ஏற்கனவே குஜராத் இளம் தலைவர் ஜிக்னேஷ் மேவானி சந்திப்பு நடத்தியதும் குறிப்பிடத்தக்கது.