Search
Saturday 25 November 2017
  • :
  • :

பிக்பாஸ் ஜூலிக்கு அடித்த பம்பர் லக்!

மெரீனா ஜல்லிக்கட்டு போராட்டங்களின் மூலம் சமூக வலைதளங்களில் வைரலானவர் ஜூலியானா. அந்த ஒற்றை அறிமுகத்தைக் கொண்டே பிக்பாஸ் நிகழ்ச்சியில் பிரபலங்களோடு பிரபலமாக அந்த போட்டியில் பங்கேற்றார். அந்த போட்டியில் பல்வேறு விமர்சனங்களுக்கு ஆளான ஜூலி, அந்த விமர்சனங்களை எல்லாம் கண்டுகொள்ளாமல் அடுத்தகட்ட வேலைகளில் பிஸியானார்.

ஜூலி பிக்பாஸ் நிகழ்ச்சியை நடத்திய விஜய் டிவியில் தான் நிகழ்ச்சித் தொகுப்பாளராக வருவார் என்று எல்லோரும் எதிர்பார்த்துக் கொண்டிருக்கும் போது, சத்தமே இல்லாமல் கலைஞர் தொலைக்காட்சியில் நிகழ்ச்சித் தொகுப்பாளராக ஒப்பந்தமாகி இருக்கிறார்.

ஜூலி இனிமேல், கலைஞர் டி.வியில் ஒளிப்பரப்பாகிவரும் ஓடி விளையாடு பாப்பா நிகழ்ச்சியின் ஆறாவது சீசனை கோகுலுடன் சேர்ந்து இவர் தொகுத்து வழங்க போகிறார்.

செவிலியராக இருந்து ஜல்லிக்கட்டு போராளியாக மாறி பிக்பாஸ் மூலம் பிரபலமாகி இப்போது தான் விரும்பிய நிகழ்ச்சித் தொகுப்பாளராகவே மாறிவிட்டார் ஜூலியானா. இந்த வாய்ப்பை அவருக்கு வாங்கித் தந்த டான்ஸ் மாஸ்டர் கலாவிற்கு நன்றி தெரிவித்துக் கொண்டார் ஜூலி.